Елімізде

Ауа райына байланысты төрт облыста жазғы дөңгелекті көлікке шектеу қойылды

ҚазАвтоЖол 21 қазан сағат 01:00-де Павлодар, Ақмола, Қарағанды және Абай облыстарындағы республикалық автожолдарда жазғы дөңгелекпен жүрген көліктердің қозғалысын шектеді. Жол қозғалысын 2026 жылы 21 қазан күні сағат 06:00-де ашу жоспарланған.

SERT INFORM тілшісі
Сурет: Inform

Павлодар облысында шектеу республикалық маңызы бар барлық бағытқа енгізілді. Ақмола облысында Ерейментау қаласынан Павлодар облысының шекарасына дейінгі «Астана – Шідерті – Павлодар – Успенка – РФ шекарасы» жолының 159–200 шақырым аралығы жабылды.

Қарағанды облысында екі учаскеде қозғалыс тоқтатылды: Молодежный кентінен Павлодар облысының шекарасына дейінгі «Қызылорда – Жезқазған – Қарағанды – Шідерті» жолының 1066–1135 шақырымы және облыс шекарасынан Ботақара кентіне дейінгі «Қалқаман – Баянауыл – Үміткер – Ботақара» жолының 231–324 шақырымы.

Абай облысында шектеу Павлодар облысының шекарасы мен Семей қаласының арасындағы 587–733 шақырымға қатысты. Бұл бөлік ҚХР шекарасынан Майқапшағай, Зайсан, Қалбатау, Семей және Павлодар арқылы РФ шекарасындағы Урлютюбе өткізу пунктіне баратын республикалық жолдың құрамына кіреді.

Дереккөз: Kazinform

Пікірлер

Добавить комментарий

Ваш адрес email не будет опубликован. Обязательные поля помечены *