Қалыңмалы бар Қазақстанда енді жеке «мәһр» сұрау деген болмайды

Қазақстан мұсылмандарының діни басқармасы некеге тұрған қызға беретін қалыңмал мен «мәһрды» біріктірді.

Мүфтияттың баспасөз хатшысы Ағабек Қонарбайұлы «әке күші», «ана сүті» сияқты қалыңдықтың ата-анасы мен отбасына дәстүрлі сыйлықтар мәһр болып саналмайтынын атап өтті.

— Қалыңмал – қазақ халқының дәстүрлі салт-дәстүрлері бойынша қалыңдық үшін берілетін ірі қара мал. Фикхтің кітаптарында күйеу жігіттің қызға жиһаз сатып алуы үшін берген малы «дустиман» деп аталады, – деді ол.

Ғалымдар шариғатта қалыңмалды «мәһр» деп санауға қатысты бірнеше көзқарас бар екенін атап өтті. Ағабек Қонарбайұлы мүфтияттың осы мәселе бойынша шешімін жариялады.

— Шешім бойынша, күйеуі тарапынан берілген қалыңмалды қыз мәһр ретінде қабылдап, қолдана алады, — деп жазды ол.

Еске сала кетсек, бұған дейін Нұрлан имам Байжігітұлы мәһр сұраудың салтымызға жат екенін айтқан болатын.