Қалалық әкімдіктің мәліметінше, сағат 19:30-дан түнгі 2:00-ге дейін найзағаймен бірге нөсер жаңбыр жауып, қатты жел соққан. Табиғи құбылыстың салдарынан 28 ағаш құлап, олардың үшеуі тұрғын үйлердің үстіне түскен. Сонымен қатар, үш үйдің шатыры бүлініп, бір құрылыс алаңының қоршауы құлаған.
Қазіргі уақытта төтенше жағдай салдарын жою жұмыстары жүргізілуде. Қалалық коммуналдық қызметтер толықтай жұмылдырылған.
Синоптиктер 9–10 сәуір күндері де жел күшейіп, екпіні секундына 13 метрге дейін жететінін ескертіп отыр. Алматы тұрғындарына қауіпсіздік шараларын сақтауға кеңес беріледі.
