7 шілде күні Конго Демократиялық Республикасының Итури провинциясындағы Команда қаласында белгісіз қарулы топ шіркеуге шабуыл жасап, кемінде 34 адамды өлтірді. Қаза тапқандардың кейбірі шіркеу ішінде, өзгелері сыртта оққа ұшқан. Бірнеше үй өртеніп, кей мәйіттер күйіп кеткен күйде табылды.
🔍 Не белгілі:
-
Қаланың азаматтық қоғам үйлестірушісі Диедонна Дурантабо іздеу-құтқару жұмыстары жалғасып жатқанын айтты.
-
Әскерилер 10 адамның өлімін растаған, алайда кей БАҚ пен БҰҰ қолдайтын радиостанциялар құрбандар саны 40-тан асты деп хабарлайды.
-
Қаскөйлер оқиға орнынан бой тасалаған.
📌 Бұған дейін де аймақта қауіпсіздік мәселелері ушығып тұр: сәуір айында M23 тобы бақылауындағы аумақта 52 адам қаза тапқан болатын.
Итури мен Киву аймақтарындағы жағдайды халықаралық ұйымдар гуманитарлық дағдарыс деп бағалауда.
