NASA ғарышкерлері қаңтарда ашық кеңістікке екі рет шығады
Америкалық ғарышкерлер Ник Хейг пен Сунита Уильямс Халықаралық ғарыш стансасынан ашық кеңістікке екі рет шығады.
Миссия осы айдың ортасына және аяғына жоспарланған. Бұл туралы НАСА хабарлады. Ғарышкерлер ғылыми құрал-жабдықты тексереді және жаңа байланыс блогын орнатады.
Бұл жұмыстар 7 сағатқа созылуы мүмкін. Естеріңізге сала кетейік, былтыр маусымда америкалық ғарышкерлердің ашық кеңістікке шығу операциясы сәтсіз аяқталған еді. Бұған скафандрдың суыту жүйесінен судың ағуы себеп болды.
