Қытайдың Шэньчжэнь қаласында ерекше форматтағы жарыс – гуманоид роботтар арасындағы бокс турнирі ұйымдастырылды. «Iron Fist King: Awakening!» деп аталған шоу Unitree Robotics компаниясының бастамасымен өтті және оны елдің орталық телеарнасы тікелей эфирде көрсетті.
Жарыстың басты ерекшелігі – роботтар толықтай автономды емес, олар арнайы құрылғылар арқылы операторлардың нақты уақыттағы басқаруымен әрекет етті. Әрбір роботтың артында оның қозғалыстарын дәл басқарып отырған адам тұрды. Бұл формат технология мен адам ынтымақтастығын жаңа деңгейде көрсетуге бағытталған.
Бәсекенің мақсаты – гуманоид роботтардың физикалық мүмкіндіктерін, қозғалыс дәлдігін және тепе-теңдікті сақтау қабілетін тексеру. Мұндай турнирлер болашақта робототехниканың дамуына серпін беріп, олардың практикалық қолдану аясын кеңейтуі мүмкін.
