Қытай ғалымдары алғаш рет адамға шошқа өкпесін трансплантациялады. Бұл туралы Nature Medicine басылымы хабарлады.
Эксперимент Гуанчжоу қаласындағы медициналық орталықта жүргізілді. Донорлық орган генетикалық тұрғыдан өзгертілген шошқадан алынды. Жануардың алты гені CRISPR технологиясы арқылы өңделген.
Өкпе миы қан кетуден қайтыс болған 39 жастағы ер адамға салынды. Операциядан кейін орган 216 сағат бойы, яғни тоғыз күн жұмыс істеп, инфекция белгілері анықталмады. Алайда трансплантациядан кейін бір күннен соң өкпенің қатты ісінуі байқалған.
Ғалымдардың айтуынша, тәжірибе ксенотрансплантацияның орындылығын көрсетті. Дегенмен органдарды қабылдамау және инфекция қауіптері клиникалық тәжірибеге енгізуге әлі де кедергі болып отыр. Сондықтан қосымша зерттеулер қажет.
