Қазанда 170,4 мың автокөлік есепке қойылды.
Ұлттық статистика бюросының мәліметінше, 2024 жылғы қазанда 170,4 мың автомобиль есепке қойылды. Бұл көрсеткіш өткен жылдың сәйкес кезеңімен салыстырғанда 2,5% көп.
2024 жылғы 1 қарашадағы жағдай бойынша, Қазақстанда тіркелген көліктер саны 5 652,4 мыңды құрады, оның ішінде 88% – жеңіл автокөліктер, 9,9% – жүк автомобильдері мен 2,1% – автобустар, – деп қосты бюро.
Сонымен қатар, тіркелген жеңіл көліктердің жалпы санының қозғалтқыш көлемі бойынша ең көп үлесі (43,9%) 1500-2000 см3 көлеміндегі жеңіл автокөліктеріне тиесілі. Қозғалтқыш көлемі 1500 см3 дейінгі жеңіл көлік үлесі – 19,3%, 2000-2500 см3 аралығында – 17,4%, 2500-4000 см3 – 14,9%, 4000 см3 жоғарылар – 1,9%.
Қозғалтқыш көлемі 1500-2000 см3 аралығындағы жеңіл автомобильдердің ең көп саны Алматы облысында – 232,9 мың, Алматы – 217,4 мың және Астана қалаларында – 168,7 мың, сондай-ақ, Қарағанды облысында – 158,2 мың.
