Қазақстандық хоккейшілер Канадада жеңіске жетті
Отандық спортшылар тағы да жеңіс тұғырынан көрінді
Хоккейден Қазақстан жастар құрамасы ірі есеппен жеңіске жетті.
Olympic.kz мәліметінше, шайбалы хоккейден Қазақстан жастар құрамасы (U20) әлем чемпионатының алдында өткен соңғы дайындық матчында ірі есеппен жеңіске жетті.
Қазақстандықтар Канадада жергілікті «Хоксбери Хокс» жастар құрамасымен кездесті. Отандастарымыз 8:1 есебімен жеңіске жетті. Жеңімпаздар сапында Кирилл Ляпунов (16, 30 минуттар) пен Әділ Бейсембаев (19, 24 минуттар) дубль жасады. Сонымен қатар, Никита Ситников (35), Семен Симонов (46), Артур Гросс (48) және Асанәлі Русланұлы (52) бір-бір шайбадан соқты. Ең нәтижелі ойыншы Ляпунов болды. Ол екі шайба соғып қана қоймай, үш нәтижелі пас берді, – делінген ақпаратта.
Бұған дейін Қазақстан құрамасы Германиямен өткен жолдастық матчта жеңіліс тапқан еді. Әлем чемпионатында ұлттық құрама алғашқы матчты 27 желтоқсанда Швецияға қарсы өткізеді. Сондай-ақ, В тобына Чехия, Словакия және Швейцария құрамалары кірген.
