Тағы бір өңірдің ардагерлеріне 5 млн теңгеге дейін төлем беріледі
Маңғыстау облысында 2 ардагерлер Жеңістің 80 жылдығына орай 5 млн теңгеден төлем алады
Маңғыстау облысының экономика және бюджеттік жоспарлау басқармасы Жеңістің 80 жылдығына орай ардагерлерге қандай төлем берілетіні жайлы редакциямызға айтып берді.
Мәліметке сәйкес, 2025 жылғы 1 қаңтардағы жағдай бойынша өңірде Екінші дүниежүзілік соғысының 2 ардагері бар.
Биыл әкімдік Жеңістің 80 жылдығына орай ардагерлерге жергілікті бюджеттен 5 млн теңгеден төлемдер жоспарлап отыр. Жеңіс күніне орай Екінші дүниежүзілік соғысының ардагерлеріне теңестірілген 100 ардагерге – 60 АЕК (235 920 теңге) төлемдер қарастырылған, — деп жауап берді басқарма басшысының міндетін атқарушы Азамат Төлеуов.
Бұған дейін Ақмола облысының және Түркістан облысының ардагерлері Жеңістің 80 жылдығына орай 5 млн теңгеден төлем алатынын жаздық.
