Дженнифер Лопестің Астанаға арналған концертіне билеттер 11 сәуірде сатылымға шығады
сеновтің айтуынша, билеттер тек «Freedom Ticketon» арқылы сатылады және сату процесінде алаяқтықтың алдын алу үшін арнайы жүйе қолданылады. Алдымен ваучер сатылады, ал QR код концерт басталған үш күн бұрын беріледі. Әр адам тек 4 билет қана ала алады, бұл бір аккаунт пен бір банк картасымен шектеледі.
Концертке 15 мыңға жуық туристің келуі жоспарланып, қонақүйлер, мейрамханалар, көлік, бөлшек сауда саласы мен концерттің өзі жалпы 6,5 миллиард теңге түсім әкеледі деп күтілуде. Сонымен қатар, бұл шарадан 400 миллион теңге салық түседі.
Дженнифер Лопестің концерті 1 тамызда Астана Арена стадионында өтеді. Бұл елімізде алғаш рет осындай ауқымды коммерциялық концерт өткізілуі болып табылады. Концерт қауіпсіздік шараларының жаңа деңгейінде өтеді. Билеттердің құны 40 мыңнан 150 мың теңгеге дейін, сахнаның алдында орналасқан орындар 180 мың теңгеге сатылмақ.
