Бүгінгі күні цифрландыру ішкі істер органдарының жұмысын жаңа деңгейге көтеруде. Қала көшелері, қоғамдық орындар, полиция бөлімдері мен тіпті әр тұрғынның қауіпсіздігі – енді заманауи технологиялардың бақылауында! Жамбыл облысында іске қосылған инновациялық жобалар қандай?Таразда цифрлық қауіпсіздік қалай жұмыс істейді?
«Жаппай бейнебақылау» – полиция бөлімдеріне және жедел-тергеу бөлімшелеріне 1 929 камера орнатылды. Барлық әрекет 24/7 бақылауда!
«Кілемді жабын» – қаладағы 1 860 бейнекамера көшелер, саябақтар, алаңдар мен маңызды орындарда тіркеу жүргізеді. Қаланың әр бұрышы бақылауда!
«SOS дабыл түймелері» – қауіпті жағдайда бір түймені басып, жедел көмек шақыруға болады. Қалада қазірдің өзінде 10 дабыл түймесі орнатылған.
«Бұлтты бейнебақылау» – тұрғын үйлердің кіреберістерінде 2 280 камера іске қосылды. Қауіпсіздік сіздің үйіңіздің табалдырығынан басталады!
«Цифрлық полицей» – полицейлер 968 бейнетіркегішпен жабдықталған. Барлығы әділдік үшін!
«Қорғау» мобильді қосымшасы – смартфоныңыздағы қауіпсіздік батырмасы. Қазірдің өзінде 200 планшетке орнатылып, патруль қызметіне енгізілді.
Жасанды интеллект көмегімен бейне аналитика – жүйе өзі күдікті әрекеттерді анықтайды, жағдайды талдайды, ал полицейлер дер кезінде әрекет етеді!
Бұл не үшін қажет?
Қылмыстың алдын алу
Қоғамдық қауіпсіздікті күшейту
Жедел қызметтердің жұмысын жылдамдату
Әділеттілікті қамтамасыз ету
Цифрлық қауіпсіздік – тек технология емес, сіздің тыныштығыңыз бен өміріңіздің қорғанысы.
