Ұжымдық қауіпсіздік шарты ұйымы (ОДКБ) Украинадағы әскери жағдай ушыға түскен жағдайда Ресейге қолдау көрсету мүмкіндігін қарастыруда. Бұл туралы ұйымның бас хатшысы Иманғали Тасмағамбетов «Известия» басылымына берген сұхбатында мәлімдеді.
Тасмағамбетовтың айтуынша, егер Еуропа әскері Украина аумағына енсе, ОДКБ жарғылық құжаттарына сәйкес, мүше мемлекеттер Ресейге көмек көрсетудің түрлі нұсқаларын ұсынуға дайын болады.
ОДКБ-ның баспасөз хатшысы Наталья Харитонова бұл мәлімдемеге түсініктеме беріп, Батыс әскерінің қатысуы аймақтағы қауіпсіздік жағдайын одан әрі күрделендіретінін және жаңа қатерлер тудыруы мүмкін екенін айтты.
«ОДКБ-ның көмегі тек ұйымға мүше елдің ресми сұранысы негізінде қарастырылады. Бұл мәселе тек ұжымдық шешім қабылданған жағдайда ғана жүзеге асады», – деп түсіндірді Харитонова.
ОДКБ-ның бұл мәлімдемесі халықаралық аренада түрлі пікірталас тудырып отыр. Сарапшылар ұйымның болашақтағы ықтимал қадамдарын талқылап, оның геосаяси салдарын бағалауда.
