Қазақстанда алғаш рет апта ішінде әлеуметтік маңызы бар азық-түлік бағасы өзгерген жоқ

Биыл алғаш рет әлеуметтік маңызы бар азық-түлік тауарларының апта ішіндегі бағасы өзгеріссіз қалғаны тіркелді. Бұл туралы Сауда комитеті хабарлады.

Сарапшылардың мәліметінше, баға өсуінің қарқыны бәсеңдеп, кейбір өнімдер бойынша төмендеу байқалған. Мәселен:

• Жұмыртқа – 1,2%-ға,

• Пияз – 0,8%-ға,

• Сәбіз – 0,6%-ға,

• Рожки мен күріш – 0,1%-ға арзандады.

Жыл басынан бері ұн бағасы 1,7%-ға төмендеген.

Өңірлер бойынша баға индексі:

• Түркістан облысы – 0,2%-ға төмендеген;

• Батыс Қазақстан және Солтүстік Қазақстан облыстары – 0,1%-ға төмендеген;

• Алматы, Астана, ШҚО, Жамбыл, Алматы, Қостанай және Абай облыстары – өзгеріссіз.

Баға бақылауы және заң бұзушылықтар:

• Сауда комитеті 15%-дық шекті сауда үстемесін асыруға қатысты 1 872 әкімшілік іс қозғаған;

• 6 100-ден астам тауар жеткізу тізбегі талданған;

• Соның ішінде 655 жағдайдан бәсекелестік заңнамасын бұзу қаупі анықталған.

Бақылау шаралары:

• 3 мыңға жуық ауыл шаруашылығы жәрмеңкесі ұйымдастырылып, өнімдер делдалсыз сатылған;

• Нарықты үздіксіз қамтамасыз ету және бағаны тұрақтандыру мақсатында бизнес өкілдерімен тұрақты диалог жүргізіліп жатыр.