Numbeo порталы 2025 жылғы маусым айындағы өмір сүру құнына арналған жаңа рейтингін жариялады. Зерттеу нәтижесінде Швейцария қалалары әлемдегі ең қымбат орындарға шықса, Орталық Азияда Алматы алдыңғы қатарға шықты.
Numbeo – бұл бүкіл әлем тұрғындары азық-түлік, қызмет түрлері мен тұрғын үй бағаларын бөлісетін ең ірі дерекқор. Бағалау Нью-Йоркпен салыстырмалы түрде жүргізіледі, оған 100 ұпай эталон ретінде берілген.
2025 жылғы маусымдағы жаһандық рейтингте алғашқы алты орынды бірден Швейцария қалалары иеленді:
-
Цюрих – 112,5
-
Женева – 111,4
-
Базель – 110,7
-
Лозанна – 110,5
-
Лугано – 108,4
-
Берн – 103,4
Қазақстан қалалары тізімнің төменгі жағында: Алматы – 346-орында (29,4), Астана – 366-орында (26,5). Бұл көрсеткіштер Мәскеу (45,2) мен Ереваннан (41,5) әлдеқайда төмен. Сондай-ақ Алматы мен Астана Бішкек (26,8), Ташкент (26,2) және Минскпен (26,4) шамалас деңгейде.
Тұрғын үй бағасы қосылған рейтинг
Есепке пәтерді жалға алу бағасы қосылғанда, көрсеткіштер өзгереді: Нью-Йорк әлі де ең қымбат қала болып қала береді (100 ұпай), мұнда бір бөлмелі пәтердің орташа бағасы айына 4,2 мың долларды құрайды. Швейцария қалаларында бұл көрсеткіш Нью-Йорктан сәл арзан – Цюрих пен Женевада тиісінше 6,8% және 9,4% төмен.
Орталық Азия мен ЕАЭО аясында жалға алу бағасын ескергенде ең қымбат қалалар қатарында Мәскеу (39,2) мен Ереван (31) көш бастап тұр. Алматы (22,9) оларды қуып келеді, ал Астана (19,7) – Минскіден (19,5) сәл ғана қымбат. Бұл ретте Ташкент (21,1) пен Бішкек (20,2) Алматы мен Астананың ортасында орналасқан.
