Қаржылық мониторинг агенттігі Ақтөбе облысында жүк көліктерін заңсыз есепке қойған қылмыстық топтың ісін әшкереледі.
Тергеу мәліметінше, топ мүшелері Ақтөбе, Атырау және БҚО аумағында 82 автокөлікті жалған құжаттар арқылы тіркеген.
👥 Қылмыстық схемаға 9 адам қатысқан:
— автоинспектор
— нотариус
— делдалдар мен ұйымдастырушылар
Клиенттер интернет пен мессенджерлер арқылы табылып, көлікті «салықсыз және төлемсіз» тіркеу қызметі ұсынылған.
🔍 Схема қалай жұмыс істеген?
Күдіктілер бұрын есептен шығарылған көліктердің деректерін пайдаланып, жалған сатып алу-сату келісімдерін рәсімдеген. Құжаттар арнайы ХҚКО арқылы өткізілген.
💰 Мемлекетке келген шығын:
705 млн теңге
⛔️ Сот шешімімен:
— 2,4 млрд теңгенің мүлкіне тыйым салынды
— 5 адам қамауға алынды
— 3 күдікті үйқамаққа жіберілді
Қылмыстық іс сотқа жолданды.
