Талдықорғанда өтіп жатқан ауыр атлетика чемпионатында 110 келі салмақтағы тартыс соңғы сәтке дейін қыза түсті.
🔥 Қарағанды облысының спортшысы, әлем чемпионы Артем Антропов серпе көтеру мен қоссайыс нәтижесінде бірден екі рекорд жаңартып, қарсыластарынан айқын басым түсті.
🥇 Нәтиже:
Артем Антропов — 405 келі (175+230)
🥈 Матвей Макрушин — 350 келі
🥉 Темірлан Окашев — 347 келі
Айта кетерлігі, қола жүлде мен 4-орын арасындағы айырмашылық небәрі 1 келі болды.
💬 Артем жарыстан кейін:
«Өз нәтижеме 4 деген баға беремін. Бұдан да жоғары нәтиже көрсетуге болады. 110 келі салмаққа біртіндеп бейімделіп келемін. Азия ойындарына дейін дайындықты күшейтемін», — деді.
📈 Өткен жылмен салыстырғанда Антропов нәтижесін 25 келіге жақсартқан.
2025 жылы ол 380 келі көтерсе, биыл 405 келімен жаңа межені бағындырды.
