Астанадағы LRT — Қазақстандағы ең даулы әрі ұзаққа созылған жобалардың бірі. 15 жыл бойы тоқтап, қайта жанданып, қоғамның сынына да, үмітіне де айналды.
2011 жыл
Астанада жеңіл рельсті көлік салу идеясы алғаш рет ұсынылды. Негізгі мақсат — көлік кептелісін азайтып, әуежай мен маңызды нысандарды байланыстыру.
2015 жыл
Жобаға Қытайдың мемлекеттік даму банкі арқылы қаржы тарту мәселесі қарастырылды. Дайындық жұмыстары басталды.
2017 жыл
EXPO көрмесі қарсаңында құрылыс қарқын алды. Қалада бетон тіректері орнатылып, халық LRT-ның нақты құрылысын көре бастады.
2018 жыл
Құрылыс баяулай бастады. Қаржы мәселелері мен ұйымдастырудағы қиындықтар туралы әңгімелер жиі айтыла бастады.
2019 жыл
LRT жобасына қатысты ірі қаржылық жанжал шықты. Миллиардтаған теңгенің мәселесі қоғамда үлкен резонанс туғызды. Бірнеше жауапты тұлғаға қатысты тергеу басталды. Осы жылы құрылыс іс жүзінде тоқтап қалды.
2020 жыл
Жоба толық тоқырауға ұшырады. Қала ортасындағы аяқталмаған бетон бағаналар елдегі ең көп сыналған нысанға айналды.
2021 жыл
Қоғамда «LRT-ны бұзу керек пе, әлде аяқтау керек пе?» деген пікірталас күшейді. Сарапшылар мен тұрғындардың пікірі екіге бөлінді.
2022 жыл
Билік жобаны тоқтатпайтынын мәлімдеді. Қаржыландыру мен техникалық мәселелер қайта қарала бастады.
2023 жыл
Құрылыс жұмыстары біртіндеп қайта жанданды. Жобаға жаңа мердігерлер мен қосымша қаржы тартылды.
2024 жыл
LRT құрылысы қайта қарқын алып, алғашқы пойыз құрамдары елордаға жеткізілді. Билік жобаны аяқтау кезеңіне өткенін хабарлады. Осы жылдан бастап жоба нақты іске аса бастағаны байқалды. 2026 жыл ЛРТ толық іске қосылды. Ашылу салтанатына Мемлекет басшысы арнайы қатысты.
Бүгінде LRT — тек көлік жобасы емес. Ол Қазақстандағы ұзаққа созылған құрылыс, мемлекеттік жоспарлау және қоғам сенімінің символына айналды.
